Me lot në sy, kështu e kujton vajzën e ndjerë Çun Lajçi (Lexojeni-Poezi)

0
44

Në ditë feste gjithmonë kujtohen ata që s’janë më në mesin tonë.

Ka kohë që e bija e aktorit Çun Lajçi, Bubulina Lajçi është ndarë nga jeta.

Jo rrallëherë aktori kosovar, shkruan për mungesën e saj, dhe dhimbjen që ndien.

Sot, Lajçi me rastin e festës së Kurban Bajramit, ka vizituar varrin e të ndjerës.

Shkrimi i tij i plotë:

Festë ndër gurë

Sot s’po ndahemi, po festojmë s’bashku

ne me shpirtna ju me hije

po i çojmë urimet andej, s’po presim t’na kthehen

ju jeni dembel, s’shkruani, e di

po vishemi bukur e herët po çohemi

kur t’thërret ezani po nisemi

faqët po i lajmë ndër gurra dita pa zbardhë

hala nata pa ikë po vimë të rrasat me emna e data

m’u ç’mall tue folë amël me juve që s’flisni

që festoni ndoshta tjera festa

me tjera data

Sot pak mish po e hamë për juve

edhe pak hallvë

e ngryk po merremi me gurë . /Lajmi.net/

LEAVE A REPLY

Please enter your comment!
Please enter your name here